今日我地冇咩節目呀, 但尋日媽媽帶左我出街散步, 仲...仲....仲帶左我去剪頭髮呀
知知我最憎係出街剪頭髮架, 因為咁要離開媽媽, 留O係個陌生地方幾粒鐘架, 我會驚架嘛, 驚我會喊架嘛, 喊唔出我會大聲吠架嘛, 搞到人人以為我係顛狗天, 嬲嬲呀
不過我冇怪媽媽既, 是關....近幾個月都係媽媽操刀幫我剪頭髮, 搞到我好唔令仔呀, 出街仲比人笑我頭髮一岩一忽呀, 我聽完超唔開心囉, 我真係冇面目再見人呀, 大家唔好望我呀唔該, 醜醜呀:
不過, 冇試過醜樣過又點會覺令仔左呢, 你睇, 我既新LOOK, 得唔得先?? 係唔係好過媽媽剪既多多聲先
:
除左剪頭髮, 今晚迎月我地一家做節呀, 媽媽話我係家中一份子, 點可以少得我份, 所以佢今晚專登買左令令的澳洲牛扒比我食呀, 仲加埋三隻顏色既蕉呀, 真係巧巧食呀:
媽媽, 幾時先食得呀???
媽媽: 等等先啦.....
我: 哦.......
登登登登, 牛扒三色蕉, 巧巧食架真係
食到我lam lam 利丫!!!!
食完飯之後仲有"十派"丫, 就係"月餅" 呀, yeah!!! 媽媽話好多狗狗朋友都有得食, 所以都想買比我食喎, 媽媽真係好錫我呀
不過媽媽話我地狗狗仲巴閉過人喎, d 月餅仲貴過佢地食o個d 喎, 兩隻承惠$78, 咁係唔係叫貴架? 我唔識呀!
我唔識錢銀依D 野呀, 我淨係識分好唔好食咋. 依個月餅...mmmmm.....ok 啦, 我嫌太少料囉, 只係得餅乾皮同少少紅苺乾, 唔夠喉囉. 不過係媽媽專登走去買比我架, 所以我好like, 仲要留起慢慢食天呀
好, 做完model 影完相, 開餐!!!
三水家中秋節快樂!!!!
回覆刪除[三水媽09/13/2011 10:48:59]中秋節快樂呀 MUI MUI & BEBE FAMILY^^,你地去邊樹慶祝呀?
三水仔又有私房菜食...............甜品仲有月餅食, 呢個中秋節一定過得好開心呢~!!
回覆刪除[三水媽09/15/2011 14:25:47]係呀係呀, 有好野食緊係開心啦, 不過最開心係有得去彭福玩呀 ^^
妹妹 : 你就好啦...有狗哋月餅食!....中秋節快樂呀!
回覆刪除[三水媽09/13/2011 22:55:47]下次都叫你媽媽買比你食丫, 話佢聽你都要應下節嘛, heehee
bibi：三水仔你有HM食又有月餅食，好羨慕呢！
回覆刪除[三水媽09/13/2011 22:58:05]HM 好咩? 媽媽成日想我食狗糧多D 喎, 典解架呢?!
三水仔你媽媽去邊樹買咖月餅？都平過我果兩個月餅十蚊雞，果個豬頭月餅就４９蚊雞，老媽子都話貴，不過一年一次，大家一齊開心下呢
回覆刪除[三水媽09/14/2011 09:53:26]你地o個 d 都抵丫, 有肉, 有蕃薯, 我o個 d 成舊都係餅, 得少少 cranberry 乾咋!!!
灰灰 ： wawawa, 咁多野食，好羨慕好幸福啊，我地三個中秋節都係係食狗糧咋．．．．mama話日日都係中秋節wor．．． 激死．．．月餅都無件．．．
回覆刪除[三水媽09/16/2011 10:24:02]哈哈, 慢慢等啦
[壽壽, 悠悠, 灰灰回覆09/15/2011 14:40:18]灰灰: 下, 要等出年wor @_@
[三水媽09/15/2011 14:17:14]三水仔: 下次我請你地食丫!!
三水仔一家中秋節快樂呀
回覆刪除[三水媽09/16/2011 10:24:26]多謝呀, 你地有冇去邊玩呀?
嘩.....不得了呀, 三水仔有牛扒三色蕉食呀, 媽咪你學吓人喇......乜都唔識整比我地食....
回覆刪除[三水媽09/17/2011 00:09:44]係幾好食架, 你快d 叫媽媽整啦, 唔識就叫我媽媽教你啦^^
Wow又扮靚，又有美食，Le個中秋勁Happy啦！
回覆刪除[三水媽09/17/2011 00:10:23]係丫, 好少可見到三水仔笑得咁開心架, 見佢咁開心, 我都好開心呢^^
做乜媽媽唔同你剪???
回覆刪除[三水媽09/19/2011 17:46:22]因為佢嫌媽媽剪得佢唔令仔囉!!
月餅象徵式食下應下節姐, 不宜多吃呀三水仔
回覆刪除[三水媽09/19/2011 17:46:54]哈哈, 食左好少咋, 食左咁多日, 都只係食左一個咋!
哇...你就好啦....咁多正野食....
回覆刪除[三水媽09/27/2011 17:36:53]我估你仲多過我啦, 因我知你媽媽好錫你, 一定會買好多好多野過你食姐^^
狗仔好似唔可以食青椒o架！黃紅就可以食...
回覆刪除[三水媽09/29/2011 10:58:19]唔係燈籠椒就可以咩? 我見好多狗狗食譜都有放架喎