嬲嬲嬲嬲嬲

今次真係要比十個嬲呀 食左k9 幾多餐呀?? 食左4 餐咋, 又唔肯食了, 咩事呀??? 好難食架咩? 你知知k9 係好貴架衰豬. 媽媽寧姑寒自己都買比你食呀, 錢都唔係最重要, 最重要係為你健康好咋, 你明唔明架?????

由於媽媽我太嬲了, 所以我要罰隻衰豬---- 坐監:

困了他在圍欄外, 唔准入來.

你睇佢, keep 住依個姿勢好幾分鐘都唔敢郁, 又唔敢望我:

係咪好可憐呢? 我都少少覺, 所以..... 我叫佢 sit, sit 住坐監!!! 依個媽媽算係咁啦!!!
坐住都唔敢郁, 我估如果狗狗識喊, 佢而家一定係喊緊, 因今次媽媽真係好惡鬧佢, 仲唔睬左佢好耐:

從後睇:

****************************************************************************************
題外話:
三水媽: 腰又肥, 身又短, 仲寒背天.....好似一個人丫.....究竟似邊個呢??????

三水爸: 似三水xx
三水仔: 似xx媽媽
...
...
...
...
三水媽: 你兩隻野....係咪想打呀??????

**************************************************************************************************

由於我實在太嬲, 唔睬三水仔之餘, 仲吩咐左婆婆同EE 今晚唔准比野三水仔食, 就算又嘔都係咁話!!!! 當時大家都唔敢出聲.....

典知,...典知.... 一如我所料, 三水婆婆太心軟了, 自己淨雞雞煮野比三水仔食 佢話費事一陣三水仔嘔, 整污 jo d 野咪又係佢洗....... (咁都得??)

你地有所不知, 三水婆婆不嬲對管教小朋友都幾嚴, 佢既宗旨係: "唔食咪唔好食囉, 你估佢肚餓唔會自己去食野呀!!!" 當年我都係o係依個宗旨下成長的. 但到左今時今日, 典解對自己個孫又得把口呢?? 唔通天下間的公公婆婆, 爺爺麻麻都係一樣, 只係對自己的仔女嚴, 對孫仔孫女就好寬鬆同縱容呢???? 唉, 我同佢講我冇眼睇了, 第時衰仔比寵壞, 咩都唔肯食我唔理了. 之後就走左入房. 當然再夜d, 臨訓前我都原諒了三水仔, 我唔想佢帶住受責備的心情去訓覺覺, 而且我唔睬番佢, 我自己都會訓唔著呢


唉, 咁我係唔係即係以後都要整 HM 呀? 整都唔係問題, 我驚控制唔到營養咋, 唯有儘量比少D 飯佢食啦, 因為飯飯糖份真係好高架嘛.

大家有咩意見呀?