去左狗展喇

去左喇去左喇....今日係九展既狗展開幕日, 因今日係星期 5 , 比較少人去, 但都見到好多可愛既狗狗, 但買野.... 就真係冇咩好野睇囉. 個場又超細, 其實真係可以.....唔去. 不過都預左架喇, 今次主要都係想帶三水仔去睇多d 狗狗.

今日我見到三隻狗狗, 我都好鍾意架:

第一隻見到既, 叫"豬肉鬆", 冇記錯好似得8 個月大咋. 佢好痴我, 我蹲低同佢玩, 佢就跳上我大脾o扒o係到, 主人叫佢走都唔願走, 仲要兩次都係咁, 搞到我好鬼開心, 好想帶佢返屋企

第二隻係美國曲架, 主人話佢已經 11 歲喇, 真係睇佢唔出, 保養得好好呀, d 毛又軟又滑, 好靚仔呀 (定女呢??). 佢見到我又係咁鉗住我, 唔比我走咁, 主人話佢一見到佢鍾意既狗狗或人就會咁架喇, 哈哈, 搞到我又好鬼開心, 乜我今日咁受歡迎架呢

....但對三水仔似乎冇咩興趣咁喎!

去到"香港動物領養中心"既BOOTH, 見到依隻好乖好可愛既聖斑納, D人一摸佢佢就訓O係到任人摸, 佢仲要用隻手手搭住人地隻腳, 好似唔想人地離開佢咁, 見到我真係好想帶佢返屋企呀, 可惜唔得丫. 你地去開都去睇下佢丫, 佢好想人地去探佢架.

買野呢, 就真係冇咩好買喇, 只係買左以下兩樣, 其實唔係真係有用架, 只係想支持下:

bought from 香港愛護動物協會:

bought from NVP:

之後就上左去PET MAX 行, o個到真係仲多野睇仲多野買啦.

見到依個絲瓜絡波波, 話可以清潔狗狗牙齒, 覺得幾好喎, 就買左......
三水仔超鍾意, 因為係可以咬的波波. 我地行近少少, 佢就即係咬住唔郁, 驚屎我地搶佢咁:

........典知, 惡夢來了......原來隻波波質地係好易咬架, 你睇佢咬到....
.......成面成咀都係..... 都唔止, 仲要搞到成張sofa, 成地兼我地成身都係

結果要用米奇引開佢注意, 收埋個波波, 唔比佢再咬喇:

我地仲買左以下既野 (from pet max, not from exhibition 呀)

羊奶奶粉, 三水仔好似幾鍾意飲:

三文魚油, 半價呀, 買黎試下, 不過都驚三水仔唔食, 因都幾大陣魚油味:

之後仲出左去玩:

三水仔跑得好快呀, 因佢要追媽媽:

睇佢掟彎掟得幾型仔

玩到成六點幾, 真係要返屋企喇, 三水仔都照舊....倦到傻左. 唔騷擾佢喇, 所以冇影佢訓覺相