本想佢唔食咪唔食囉, 但近排佢成日嘔, 嘔 d 黃膽水, 醫生話可能係個胃冇野比佢消化, 佢試過一星期嘔 5 次, 嘔到個胃發炎. OK, 好啦, 唯有混 D 好味野落 D 狗糧到比你食啦....有雞肉, 三文魚肉, 南瓜, 雞蛋, 蕃薯 ....等等. 但個衰仔又成日只揀 D 好味野食, 唔食 D 狗糧, or 食左入口都吐番出來, 仲有呀, 唔可以一次過 mix 晒比佢食喎, 佢要一路食, 你一路加比佢, 唔係佢食少少就停, 個衰野仲要衰到, 食淨一粒糧黎等你再加野食比佢, 後黎衰到糧一 d 都唔食, OK, 唯有淨碎 D 糧連埋 D 好味野等你食埋. 但剛轉左隻糧, 第一次食佢又肯食喎, 好似好好味咁, 點知第二次已經唔食了.....搞到我真係有 D 嬲, 衰仔, 你知唔知媽媽餵你食野好辛苦架?? 仲有呀, D 糧好貴架, 媽媽都肯買比你食, 你仲要咁硬頸, 你話比媽媽知你想點啦 尋晚回家, 婆婆又投訴衰仔唔肯食野, 已經比我鬧左一輪, 夜 D 我再餵佢, 佢又淨係食雞肉, 唔食糧, 嬲到我倒野佢, 唔比佢食.
比人鬧佢通常會行埋一邊, 匿埋一角, 唔敢望你, 但又會偷偷裝下你:
你睇佢係唔係在扮可憐? 心軟 D 都會比佢呃到架
之後我收起佢支波板糖, 唔准佢食, 點知佢係到嗯嗯嗯, 仲有自動做"請請"動作, 好可惜, 媽媽實在太嬲了, 對佢扮可憐的動作無動於衷呀!
三水仔: 好想要番枝波板"雞"呀, 睇下媽媽嬲完未先....
....屎啦, 好似仲嬲緊呀, 驚驚天.......點算好呢?!
唯有出我的殺手皂: 扮可憐~~~~~~~~~~
仲有扮可愛~~~~~ 平時都係"請請" 就有野食架!
~~~~~~~~~~~~~~~~可惜可惜, 媽媽都係唔彩我, 行動失敗
我２個衰野一個就曳，一個就蠢，但好彩２個都係餓鬼投胎， 俾咩就食咩，至驚你唔俾佢食 不過三水仔都好ａr,會識驚,我bｏo哥天不怕地不怕, 你鬧完佢,佢自己都會好開心,自己唔知走左去邊,影都冇
回覆刪除[三水媽05/26/2011 11:23:00]佢驚有咩用丫, 唔會改呢, 餵佢食野真係好頭痛呀
唔食野唔得個bor 三水仔...陰公囉
回覆刪除通常嘔黃膽水多數係肚餓, 又或者食左毛髮落肚... 不如你試下比乾糧ge 時候lo 少少魚油,, 或者吐毛膏... 哩d 都係香口野, 應該鍾意食咖..
[三水媽06/02/2011 16:33:00]依排撈 d 好味野比佢, 食番多左, 又冇嘔了!
蕃薯 : EE，我同三水仔一樣都唔食狗糧，我只愛肉肉同蔬菜，初初媽媽都嬲到我死。
回覆刪除[三水媽06/21/2011 16:47:00]蕃薯媽媽, 想問你比蕃薯食野的份糧係幾多? 怕唔怕唔夠營養呢??
三水媽 : 我都是在這blog學 http://hk.myblog.yahoo.com/homemade-dogfood 你可以睇下，我還給蕃薯食BB營養膏+魚油。
回覆刪除[三水媽06/22/2011 13:25:00]我都係睇依個網的, 但就冇跟足. 而家都係整"飯/粉 + 肉 + 疏菜"比個食, 份糧都係隨意咋, 所以都唔知夠唔夠! 咁而家蕃薯係唔係一 d 乾糧都冇食?
三水媽 : 我好小比飯/粉蕃薯食，佢每日食２餐，以雞胸肉為例１餐大約１件多小小+菜，蕃薯冇食狗糧1年多啦，體重KEEP住3.7KG，昨日去見醫生，醫生話佢唔肥，身體好健康，我覺得BB營養膏有狗糧裏面的維他命可作為附助品。
回覆刪除[三水媽06/23/2011 12:52:00]蕃薯媽媽, 有營養羔的資料給我嗎?
你好,三水ma
回覆刪除我的米米個情況同三水一模一樣,以上所用的方法都做晒,個衰女都係唔肯食,屋企有不下7,8種唔同既糧,隻隻都係食一兩次就唔食,濕糧就要揀味,魚味就掉頭就走添,只係肯食雞雞,有雞雞食都肚爆都仲要食,唉!!!
佢daddy唔讚成我比雞,停雞之後又瘦返晒,而家係皮包骨,見到就心痛,衰女而家病緊,又痾又嘔又唔肯食doctor 指定既濕糧,我呢個阿媽都唔知點好
[三水媽07/08/2011 11:43:00]雖然話乾糧好似營養好 d, 但佢地唔肯食一樣得唔到營養, 見佢唔肯食野到成日嘔, 又瘦, 唯有屈服比佢食 home made 食物, 我每餐都係比 飯/粉 + 肉 + 疏菜, 希望儘量做到平均, 見佢食完之後肥番 d 都安樂 d. 或會再比佢食番 d 補充劑囉, 唉!