可能各位都知, 近日德福商場搞左 d 同 poodle 有關的活動, 其中有個 華麗一族大賽, 我地冇去參加呀 (費事獻醜嘛
), 本來想入場參觀+打氣, 但座位有限.....都不特止, 原來係唔比帶狗狗入去的, 咁真係...把鬼!! 所以三水仔冇得去 lu. 不過咁o岩比賽當日, 我約左三水爸去行街買野, 就去左德福一趟, 當時比賽都完左, 不過仲見到好多人帶住 d 狗狗在商場影相咁, 好開心, 早知帶埋三水仔黎啦.....
其實 d狗狗 display 好靚, 好想帶晒番屋企, 可惜唔得丫, 唯有影下相算....!諗住行埋去時, 哈哈, 竟然比我發現個人好熟口面, 我唔知醜咁走上前去問佢....係唔係 easy ma 呀....hahaha, 真係呀, 我地之前未見過架, 係o係佢 d blog 見過 d 相, 咁都比我認到呢 (鬼叫 easy ma 咁靚女咩
)! 最開心緊係見到 easy 仔啦, 我想見佢好耐架喇.....easy 仔好可愛呀, 又乖, 真係想錫多你幾啖呀 
下次記得約埋一齊去彭福呀 
不少得的合照呀
easy 仔可能玩得太耐, 有點倦意, 好想訓覺咁!
好好笑, 有個小女孩指住 easy 仔問佢爸爸媽媽...依隻係唔係公仔黎架....hahaha, 唔知邊個答佢話其實係o係入面 d 公仔黎架, 小女孩好似真係信咁喎, 真係笑 c 我
睇下入面 d 公仔似唔似真既:
依件衫衫有 d 熟口, 好似三水仔都有件:
就係依隻呀, 我對佢一見鍾情, 好想帶佢返屋企, 其實依 d display 狗狗係可以投番屋企架, d 錢會捐比公益金, 低價 $100 (但唔包件衫喎
) , 以暗標方式出投, 價高者得囉, 我都出左標呀, 不過唔話你知我出幾多 heehee, 希望可以帶佢返屋企啦!!
二期o個邊好似仲有架, 但我忘記左去, 下次我會再去的, ....帶埋三水仔去呀!!!
返到屋企我又手痕幫 d 細佬著下衫衫影下相:
mini 細佬 - 依件蜜蜂衫衫係 ee 買比三水仔的, 當時三水仔只有幾個月大, 你睇件衫幾細件就知啦:
依件衫衫都係三水仔細個時著的, 而家都冇著架喇, 咁比細佬著啦, 唔好晒嘛
黎番個大合照先:
遲 d 搬左屋, 有地方, 我一定會放晒佢地出來既, 哈哈 , 等我呀
嘩, 好大個family呀, 點解唔放埋三水仔同D公仔一齊影 jack! 不如搬左屋, 幫三水仔添個妹妹仲好啦~~~~
回覆刪除[三水媽12/16/2011 11:51:10]下, 三水仔唔會有老婆架喎!
[烈女菲比回覆12/16/2011 11:48:40]唔係老婆咩！
[三水媽12/13/2011 16:50:44]因為三水仔比人捉住左呀, 佢見到 d 未見過既細佬想去同佢玩呀, 我地唔比, 費事佢整晒 d 口水落去呀!
三水仔一定會有妹妹的^^
遲d 搬? 搬去邊呀??
回覆刪除[三水媽12/13/2011 17:11:24]未知呀, 要等多起碼一至兩年樓市跌番先啦 :(
D毛毛 Poodle公仔好得意，可惜冇隻似乖乖haha
回覆刪除[三水媽12/15/2011 12:38:00]你個乖乖咪已經成隻公仔咁得意囉^^
D公仔好靚呀, 係邊到可以買到呀???
回覆刪除[Coca-Cola回覆12/17/2011 00:04:32]等我得閒去搜尋下先 ^o^
[Coca-Cola回覆12/17/2011 00:04:29]等我得閒去搜尋下先 ^o^
[三水媽12/16/2011 11:53:29]我o個 d 係o係一間叫 iroiro 的 shop 到買, 依間shop o係某 d mtr 站有的, 如九龍灣, 尖沙咀西鐵, 中環等等....
如德福o個 d 冇得買架 , 但可以投, 得益會捐比公益金!
d公仔好得意呀！我都搵緊隻似菲比的！
回覆刪除[烈女菲比回覆12/16/2011 12:42:41]似短毛版菲比，菲比剪咗毛啦！我唔捨得個頭剪得太短，所以都仲係M字頭，個身就剪到好短，之前織比佢件四腳衫都唔啱著啦！
[三水媽12/16/2011 11:54:04]我o個隻黑色似唔似菲比? 你幫佢扮下靚就似架啦^^
嘩...原來咁多poodle公仔, 好彩你影低比我睇jack, hehe
回覆刪除mocha: 你d公仔都好得意喎, 我mame都有幾隻係手, 不過無你果d咁大隻呀
[三水媽12/19/2011 17:48:00]係幾得意架, 你地有冇去呀?
我o個 d 公仔唔算大啦, 同德福o個 d 差不多啦.
嘩..三水仔原來有三個細佬~
回覆刪除醜死鬼喇....你知5知個日個樣都好累....可能抱住左佢睇SHOW2個幾中....唉最衰個度又5可以落地啦.....哈哈...不過真係好有緣呀...好,,,,下次去彭福同三水仔玩下先....
回覆刪除幾時去好呀????????