三水仔香薰治療之皮膚羔

因為知道好多朋友的狗狗都會經常有皮膚病, 所以希望介紹比大家試下以下的香薰治療, 我自己覺得好有效用. 而且我始終覺得狗狗食太多藥唔係咁好, 尤其醫生好多時都係開 d 類固醇/抗生素一類的藥, 對狗狗的肝真係唔係咁好的.



回想三水仔初回我家兩個星期左右, 就發現佢近後頸位置出現好似皮膚敏感的徵狀. 當時好驚係"金錢癬", 因為上網睇過 d 資料, 金錢癬原來幾難醫的, 可能需時一兩個月先會醫好, 而且患處仲會甩毛. 於是即刻帶三水仔睇醫生, 結果係..........真係金錢癬呀, 醫生開左 d 藥同藥羔比佢搽...... 但係都冇好轉, 於是同佢轉醫生, 又係食藥水同搽藥水, 都係唔好, 仲惡化左, 可能患處好癢, 三水仔成日用抓抓, 抓到傷口損晒同流晒血, 而且範圍仲愈來愈大, 又甩晒毛, 醫生話幾嚴重, 有可能好番都唔會再出毛, 聽完後好傷心, 因為患處位置好當眼的 .

當時無意中在網上見到有關香薰治療的方法, 原來狗狗都用得架, 仲有人試過醫好金錢癬, 於是同三水爸商量過後, 決定一試. 當時去左某一間香薰舖, 買左三隻香薰油:

1. lavender 薰衣草 - 有舒緩, 鎮靜作用
2. chamomile roman 羅馬洋甘菊 (用 chamomile german 都得的, 不過貴 d) - 皮膚敏感, 濕疹, 癬, 及癢癢皮膚有緩和作用
3. tea tree 茶樹 - 有殺菌作用, 對真菌尤其有效 ----- 金錢癬都係真菌引起的



我冇用底油, 改用蘆薈 gel, 因為我覺得蘆薈對收復受損皮膚幾好的.

當時買的蘆薈 gel 是 50ml 的, 店員幫我根據狗狗用的份量 blend 左一支成品比我, 回家就用得, 十分方便.

回家後當然馬上叫三水仔試用, 支野果然有料到, 搽左幾次咋, 可能搽完後止了癢, 三水仔冇再抓傷口了, 而且傷口仲慢慢好番, 好開心呢 最開心既係, d 毛都長番了, 雖然冇原本咁濃密, 但都好好了, 起碼唔覺眼先.



香薰三寶 (for 皮膚病):

蘆薈 gel, 這個是我讀了香薰課程後, 經英國學校直接訂的:

***************************************************************


前排又發現三水仔的腳近膝頭位置紅了, 似皮膚敏感, 見佢成日用脷"賴", 應該幾癢的:

後來發現原來唔只一達, 附近仲有兩三達呀!!!!! 即係拎我 d 香薰油出來, blend 番支香薰 gel 比佢搽.

搽左大概一星期, 就完全好番晒了

***************************************************************

點知, 過唔夠幾日, 又發現佢左面腳板底的肉枕之間的肉又紅又腫, 一定係好癢好唔舒服了 (影唔到相, 因三水仔唔肯比人掂腳仔的, 幾辛苦先幫佢搽到藥羔呀)

唉, 邊樹惹番來架, 都叫左你唔好成日捐入 sofa 底架啦, 好污糟架
好彩 d gel 仲未用完, 即刻又幫佢搽,  keep 住早晚搽, 搽左兩日就消腫同冇咁紅了, 不過當然都要 keep 住搽多幾日啦.

******************************************************************

我的香薰寶貝, 不過由於我實在太懶了, 買左都冇咩用過, 唔係三水仔皮膚病發作, 我都冇拎出黎用

希望大家有機會都可以一試, 起碼是天然方法, 冇負作用, 人都用得的, 我皮膚敏感好癢, 或被蚊針都有用三水仔 d gel 搽, 都好洗得架. 不過記住狗狗用的份量要少過人用的, 佢地受唔住太濃既份量架.

另外市面好多香薰油的質量好參差, 好多都唔係 100% pure essential oil 來的, 多混了化學成份, 尤其價錢好平, 又大大支o個 d , 大家要小心選擇呀!!! 希望幫到大家啦

我遲 d 仲會 blend d 狗狗用品比三水仔用, 例如防虱噴霧同 shower gel 啦, 不過要等.....等三水媽冇咁懶先...哈哈哈哈~~~