彩龍茶樓

朋友介紹了大帽山上的一間茶樓, 說那兒的點心好吃, 於是我們約好了昨天到山上"品茗"一番.

我早上5點多就起床了, 7 點就出到荃灣, 到了荃灣還要乘大概 15min 小巴上去. 其實是不用那麼早的, 只是我誤會了到山上喝茶一定是要很早, 因為恐怕遲了就沒有得吃. 結果我們未夠8時已經到達.

那裡當然不是像市區內那種酒樓格局, 而是比較像飯店. 沖茶拿碗筷, 甚至取食物都是自助的.

我們選了以下的點心:

1. 臘腸卷 - 這個真是很久沒有吃過. 包的 size 不是太大, 一人一個剛剛好. 不過我嫌臘腸有點過肥 (因為我只喜歡吃很瘦很瘦那種)

2. 义燒包 - 這個 ok, 但又不是太特別

 

3. 鵪鶉蛋燒賣 - 這個又是很久沒有吃過. 這裡的做得很好吃, 燒賣的肉很鬆軟, 吃得出是很新鮮.

4. 鳳爪 - ok

5. 蘿白羔 + 芋頭羔 - 芋頭羔好好吃, 入面有很多芋頭, 絕不是平常吃到只是粉多那種. 好想再吃. 蘿白羔都不錯, 很多蘿白, 只是我個人比較喜歡吃芋頭羔.

6. 牛栢葉 - ok

7. 腸粉 - 這個我只吃了少許, 因我不太好义腸的

 

總括來說, 都是值得一去的, 只是真的不用太早. 我們吃完都只是 8 時多.

 

 點心每碟份量不大, 但都非常新鮮. 下次我想試下他們的山水豆腐花.

被人點

為左響應阿 8, 我都來玩一玩:

 

遊戲規則如下:

A.　必須點名至少8個人，要用盡辦法通知各人參與這個遊戲，人數不夠的話就少點，2個以上就行。
B.　被點名的人不可重複被點，每個人只可玩一次。
C.　回答問題當中時，需自行刪除一個不喜歡的問題，更換
       一個新的問題，然後點名其他人來玩...
       如此延續這個遊戲。
D.　答案需在各自的blog內公佈。

開始遊戲:

寫出填寫日期：2007.08.25

1.目前為上,你覺得最幸福的是什麼?

生在香港, 起碼不是生在戰亂, 饑荒, 落後的地方.

2.  目前為止, 你最後悔的是什麼?

沒有跟隨自己的心意, 去做一些想做的事.

3..　你希望在別人眼中是怎樣的人？
善解人意, 堅強, 做事有分寸, 不會令人擔心的人.

4.　如果唔駛返學/返工你會點呢？
去旅行/訓覺/發白日夢

5.　如果中500萬獎金，你會怎麼花？

分給媽媽和家姐, 買樓 + 去旅行 + 儲蓄/投資

6.　你最怕的事情？

所愛的人(包括家人, 朋友, 愛人)有事

7.　這輩子最想去的地方？ 

一個沒有煩惱的地方

8　你能放下現在的生活，去鄉村或其他城市重新開始嗎？
可以, 因為我不太喜歡生活在香港. 但如果是鄉村的話, 可不可以是日本/歐洲的小村落? 最好不要是在中國那些...........

9.　最愛的食物：
沒有, 時時不同的

10.　最愛的顏色：
藍色

11.　最愛的休閒：

坐在玻璃屋前的陽台, 吹著海風看書.

12.　當你遇見一個想結識的人會說什麼:
hello, 你好!

13:現在最想做的事?

不用再打工, 可以周遊列國.

14.　最愛的口頭蟬：
唔覺有...近排可能係 "aiya, 激死我喇"

15.　最想對家人做的一件事：
想抱著媽媽說"我愛你", 多些與她傾計

16.　最愛的季節：
秋天.

17.　最了解我的人：
自己

18.　最愛的節日：
聖誕

19.　最想見的人：
你

20.　愛的定義：

不問回報, 只求對方開心及身體健康

21.　心中嘅目標：
開心健康, 冇煩惱

22.　家下嚟緊最想希望嘅嘢
不用工作

23.　最喜歡的地方：
寧靜, 沒有煩惱的地方

24.　當你好沮喪的時候，你會選擇做 D 咩?

睡覺/躲在被裡哭, 不想見人, 不想說話

25. 讀書最鍾意邊科:
日文掛.

我在 yahoo 的 blog 友, 只有西瓜及阿 8, 但他們已被點. 不是 yahoo blog 友的小肥 b 先生, 可以點你嗎?.....如果你有看的話.

東京之旅 - day 1

DAY 1 - 4/4/07

今日係搭 UA 早上 8:XXam 機, 天未光就要出門口, 可惜天公不做美, 下起雨來, 我一手拖著行李喼, 一手撐住遮, 走了差不多 15min 才到巴士站, 真係有 d 狼狽.

去到機場, 仲有時間, 辦理完 check-in 手續就進了禁區, 食左一個好難食既早餐, 行左一陣, 影左一陣相就上機了.

本來對 UA 機都冇咩祈望, 點知上到去, 發現原來都有電視, 立即對佢加分了. 當然對飛機餐及空姐的服務就不能要求太高了.  不過可惜UA 在4 月底就會停飛東京, 以後又會少左一個選擇了.

圖 1. 起飛了

圖 2. 飛機餐

睇下電影又訓下覺咁, 好快又到達目的地 - 成田機場了.  過關時打晒蛇餅, 真係嚇死人, 等了30-45min 先過到關. 立刻去搭京成電鐵到日暮里站再轉車去池袋. 一路沿途竟然開始烏雲密佈, 仲落起大雨, 心情即時一沉.

圖 3. 車站月台

到左池袋, 天色依然好差, 5 點幾但天都黑晒, 我地O係車站門口企左一陣, 又將 D 膠袋套o係個喼上, 希望唔好弄濕入面 d 野.

圖 4.  池袋車站外

我地今次係住 HOTEL NEW STAR IKEBUKURO, 由車站行去大概 10min, 間酒店..麻麻地啦. 都唔算話好細間既, 起碼都仲夠位開到個喼. 不過之後某一晚發生左 d 事, 我就覺得好似有 d "污糟野"咁, 不過可能係自己心理作用o者. 去到酒店, 差不多半身都濕晒, 打開個喼, 發現入面都濕左一部份, 立即拎晒 d 野出來吹乾. 之後先知, 原來當日東京既天氣好惡劣, 又雷又電又有龍倦風, 某 d 地區甚至落起薄. 好彩之後幾日既天氣都唔錯, 唔係都唔知點賞櫻喇.

休息左一陣, 雨都開始停, 我地就出發去食我地既第一餐 - 一蘭拉麵. 佢既位置有 d 隱敝, 找左一陣先找到. 這間拉麵的特色係, 先看電子牌, 看看有沒有空位, 再去售票機買飛, 坐下填表, 填表就係要選擇麵既類別呀, 軟硬度呀, 配料呀, 辣定唔辣呀等等, 由於我既日文係有限公司, 我地都係估估下咁填左. 我仲加左假半生熟蛋, 真係非常好味, 下次都要再食, 麵都好好食. 本來想再食多次, 不過最終都冇機會, 唯有留番下次啦.

圖 5. 一蘭拉麵

圖 6. 我點的拉麵

食完麵就行去 sunshine city, 當時大概 7 點幾, 見到 d 舖頭賣 d 野都幾靚, 不過諗住之後幾天先慢慢行, 因為商場係關 8 點的. 我地入左去間 uniqlo 行左一陣, 真係一陣, 出番來 d 舖頭已經關晒, 效率真係好快.

於是我地上左去一個叫 namja town 既地方, 主角係隻貓, 至於隻貓點解咁出名, 來頭係咩, 我都唔係好記得.

圖 7. namja town

 行左一陣, 都冇咩好行, 就去左個"餃子街"到食餃子, o個到裝修成古舊的街道咁, 有幾間餃子舖, 我地是但揀左一間, 味道都可以啦, 叫做食過就算啦.

圖 8. 餃子街

圖 9. 餃子

行下影下相, 我地又去左個雪糕館到食雪糕. 入面又多間雪糕店, 有唔同口味既雪糕, 我見到有人食墨魚汁雪糕呀, 食到個咀黑蚊蚊, 好核突. 我地就揀左以下既炒雪糕, 好好食呀.

圖 10. 好好味既雪糕

食完雪糕, 覺得都倦喇, 於是就早 d 番酒店休息, 儲足精神明天去睇櫻花!!

東京之旅 2007 前言

一月份的某一天, 坐在辦公室內, 感覺非常悶, "好想去旅行呀" , 和朋友講起, 佢都好想去, 可惜最快都要等到復活節先有假期, 但都諗住打電話去 priceline check check價錢, 心想復活節的價一定好貴, 誰不知只是 $3100 連稅 (UA 機), 比我想像中平好多, 但可惜 5/4 , 6/4 去程的機位已 FULL, 4/4 出發的機位都得番好少(真係冇諗過會咁快 full),  於是再問問朋友, 係咪真係去, 朋友說 OK, 於是只是猶疑了一會, 就決定去, 想做就做嘛, 諗番起來係有點衝動, 但都 管不了那麼多. 而家有機會玩唔玩, 唔通要等到老到行唔郁先去咩, 仿且今日唔知聽日事, 所以覺得應該盡快做自己想做的事! 

回程定O係 8/4, 都好 FULL, 差 D 冇位! 好彩最後都有!

今次遊程希望可以賞櫻, 之前有很多櫻花預報, 一時又說今年天氣回暖, 櫻花會早開, 一時又說日本氣象廳預測錯誤, 一時又就三月尾滿開, 但我都管不了那麼多, 反正都一定要那段時間才可成行, 就睇睇我地同櫻花有冇緣啦~

話咁快又玩完番香港喇, 好唔捨得, 好想繼續玩, 不過點都要面對現實的, 冇錢又點可以去玩呢, 都係努力工作, 再儲錢去玩啦.

希望真係可以完成我的東京 5 日遊記啦, 唔好爛尾就好喇~~~