三水仔

2013年10月6日星期日

三水仔4 歲生日

不經不覺, 乖仔你已經 4 歲大了, 真係好唔捨得你大得咁快, 真心希望你永遠幸福快樂. 最緊要最緊要身體健康, 無任何野比你的健康重要. 唔好再要睇醫生喇 !!

今年生日, 因為巴巴要返工, 無帶你去邊玩, 不過早一日同巴巴去左彭福樂園 (真係好耐冇一家人去喇), 希望你開心啦!

今日正日冇咩節目, 希望在食方面補償番你.....

食好D - 日本和牛

和牛+紐西蘭羊扒+蘆筍

今年第一次訂左個CUP CAKE 仔, 估唔到阿仔都鍾意食

仲有一個3D 公仔, 似唔似三水呢?

等食等到牛晒

太陽花LOOK, 希望你每日都好似太陽花咁開心

I LOVE YOU FOREVER!!! KISS KISS!!!

2012年5月5日星期六

大家好嘛, 好耐冇見大家喇, 大家仲認唔認得我呢?

近排 mama 話自己好忙喎 (又係依個藉口), 所以冇 update 我D 消息囉.

近日天氣開始好熱喇, 我真係有d 頂唔順我d 長頭髮, 所以 mama 帶左我去剪髮呀.

mama 話, 唔知點解我次次出去剪完頭髮返來, 都會四萬咁口 (你知平時我真係好難得一笑架嘛).... 其實我咁開心咪就係因為.....我唔洗比mama 沖涼吹毛搞我粒幾兩粒鐘囉, 人地姐姐幫我沖涼剪頭髮+恤髮做晒都係兩個鐘搞掂晒喇. 比mama 搞, 我仲辛苦過出街呀

三水 SUMMER LOOK:

仲有新領巾:

不過今次幫我剪頭髮個姐姐話我個肚仔近腳位置生左粒蒼蒼, 但又唔似暗蒼喎, 咁係乜東東黎架? 點解大頭蝦MAMA 日日幫我按摩都摸唔到架

2012年4月18日星期三

日劇 - 南極大陸

近日睇左套好好睇的日劇 --- "南極大陸", 為的不是木村, 而是他們 --- 19 隻樺太犬. 我真係好少睇戲會喊的, 但我就試過在巴士上睇依套戲 (特別係第 8 集), 喊濕左 4 張 tempo. 仲搞到我唔敢再睇落去, 而家仲有兩集未睇呀, 我諗我要調理好我的心理狀態, 搵日屋企冇人先敢再睇, 同埋, 我一定會由頭再睇多次的. 未睇既你地, 有冇諗住睇下呀? d 狗狗真係好好戲, 望到佢地既眼神已經令我好感動!!

改編越冬隊員北村泰一的著作《南極越冬隊太郎次郎的真實》，以二次大戰結束後10年為背景，講述男主角倉持岳志為了向世界展現日本人自力更生的毅
力，用生命挑戰前往南極大陸。除了描述越冬隊在征途上遇到的挫折、隊員間的爭執及奮鬥等過程外，還帶出隊員與樺太犬之間的感動故事。

樺太犬「好戲」

去
年日本經歷311大地震時，飾演倉持岳志的木村拓哉正身處北海道拍攝，在冰面上感受到震動，即時與劇組避到安全地方。這場造成嚴重傷亡及經濟損失的天災，
令日本經歷嚴峻時期，劇組盼此劇能給日本人鼓勵。劇中另一焦點是樺太犬，牠們相當「好戲」，不遜於一眾演員，最後牠們被留在南極，為生存搏鬥，讓觀眾看得
肉緊投入。在樺太犬中，以力奇、太郎、次郎的戲分最重。

找回尋夢勇氣

故事講述戰敗的日本陷入經濟低迷，東京大學理學部的副教
授倉持岳志（木村拓哉飾），跟名譽教授白崎優（柴田恭兵飾）懷着同樣的志向，希望盡綿力為日本打氣，讓人民能找回追尋夢想的勇氣。正值當時世界各地的地質
觀測活動十分活躍，美國和蘇聯等國家，成立了「國際地球觀測年特別委員會」，計劃在未知的南極大陸進行觀測。於是倉持和白崎決定籌組南極觀測隊，加入南極
大陸探勘的行列，可是過程中卻遇到重重困難。

經歷重重困難

首先，作為「戰敗國」的日本，只能被分派到攝氏零下50度，長期颳
着風速每秒100米的暴風雪，被稱為「幾乎不可能登陸」的哈拉爾王子海岸。接着，在籌措資金、招募人才、建造破冰船、設計基地、訓練樺太犬作為交通工具等
方面，均遇上不同的阻滯。幾經辛苦，最終在眾隊員的努力及人民的支持下，以倉持為首的「越冬隊」，帶着19隻樺太犬，向險峻的南極大陸出發。

2012年1月9日星期一

第一次行山-城門水塘

2012 年1 月8日- 城門水塘

是日好難得三水ba 同壽ba 兩位返 shift 的人都放假, 冇理由唔去街街架, 係咪? 但彭福又唔開, 去邊好呢? 真係好難諗! 算啦, 不如就近近地, 去想去好耐的城門水塘....雖然我地都好驚馬騮仔同牛b仔:
晨早出發, 在家時仲係天陰陰, 涼浸浸的, 典知出街冇耐就太陽伯伯出來了, 本來著左件靚衫衫架, 但好熱呀, 一上車就除了: