三水仔兩歲大了

今日10月6日, 係三水仔的兩歲生日呀. 作為 mama 既我, 心情好矛盾, 雖然開心, 但又唔捨得, 唔捨得佢咁快咁大個, 唔捨得佢距離離開我的日子又接近了一步. 真係希望佢永遠都係bb.

三水仔, 你今日生日有咩生日願望呀, 我知我知, 你一定係想日日都有baba mama 陪你去街街係唔係?

今日你可唔可以都比 mama 許一個願望呀?? mama 希望...希望三水仔你身體健康, 冇病冇痛, 日日都生活得開開心心, 可以陪baba mama 耐一點日子...可以嗎??

好喇好喇, mama 講左咁耐都係時間比主角出場喇:

登登登登.......


HAPPY BIRTHDAY AH MIU MIU 豬

我今日得唔得意呀?

靚唔靚仔姐?

大家睇清楚d 我個生日蛋糕丫, 係ee 送比我架, 靚唔靚呀? 仲有頂生日帽呀, 都係ee 親手整比我架.

仲有仲有, 當然係mama 煮比我食既牛扒餐啦, mama 話因為有蛋糕食, 所以 dinner 只吃扒, 唔食其他喇, 今次 mama 加左少少香草同蜜糖去煮, 真係超超超好食呀:

三水仔: 媽媽, 好心你下次搣左"特價品"個貼紙啦, 比人見到晒你幾姑寒喇
三水媽: 咩姐, 特價品都有好野架, 你睇塊扒幾靚, 係唔係好好食先丫.....

三水仔: 影相丫嘛, ok ok, 我知一定係要影完相先有得食架喇, 我識做既...... 慢慢影啦, 唔好急, 不過要快...唔該晒!!!

你地睇, 有個"2" 字o係上面架,又係ee整比我架:

真係好鬼香呀, 食得未姐???

mama 仲買左下面既禮物比我呀:

1. 大帳篷一個, 幾好架, 夠晒我地一家三口入去渡假架

2. 樓梯一張, mama 驚我跳上跳落張床, 好易整親自己, 所以買比我用, 可惜丫, 我有d 驚驚呀, 唔太敢用呀.

3. 去街袋袋一個, 不過我聞黎聞去都冇左我陣味, 我唔太like 呀, 都係鍾意以前o個個多d 呀

4. 好多好多零食呀, 全都好好食架.....應該!

仲有之前壽悠灰 mama 送左 ET 波波同埋鹿肝零食比我, 原來佢仲靜雞雞畫左張畫比我呀, 我好開心呀, 多謝你呀 EE.

大家覺唔覺得奇怪, 典解baba 冇禮物比我既, baba 話喎, 我見到佢已經開心屎啦, 就已經係最好既禮物喎, 咁又係既, 我而家好少機會見到佢架, 我真係時時都好掛佢架.


影左成晚相相, 又食到飽飽, 我又係時候眠一眠喇, 聽日唔知 baba mama 帶我去邊樹玩呢?!!

西貢獅子會

10月1日國慶日

今日同左契姐一家去左西貢獅子會玩呀, 都好丫, 因我都未去過, 不過今日係十月一日, 係國慶假期喎, 好多人呀, EE 話唔方便放繩, 所以都係玩左一陣, 食左個APPLE 就走人, 行路去左西貢市區(係得我行咋, 灰灰同壽壽就有車車坐, 悠悠仲好, 有MAMA 抱呀). 我MAMA 話我肥, 要我行多D 喎

由於今日得MAMA 一個揍我, 所以都冇同我影相相呀, 大家要睇就麻煩去EE個 "bu lok" 到睇啦.

今日好開心呀, EE 同篤篤(佢話唔好叫佢叔叔喎) 送左生日禮物比我呀, 原來我星期 4 兩歲生日呀, 我自己都唔知天


一包好好味既零食, MAMA 之前冇買過我食架, 原來真係好好味架, 但EE 話一次唔可以食太多喎:

仲有仲有, 依個係咩黎架呢??

開左個盒, 係個圓型的波波:

聞下先, 嘩, 原來佢識自己行架, 仲會行行下掉D 野出來. 好驚驚呀,係唔係外星人黎架?

行開D 先, 驚驚:

但我又想同佢玩玩呀:

都係再觀察下先:




我都係鍾意食野多D:

食得未呀?


等等先啦:

OK!

嘩, 好正呀!

媽媽, 可唔可以再食多少少呀?

下? 唔得呀?? 咁...比我聞多陣先丫!

今日真係好多謝EE 同篤篤呀, 又請我地搭車車, 又請MAMA 食 T, 又買禮物比我, 好, 下次等我用我D 利是錢請番你地丫