第一堂寵物美容堂

為左我隻三水仔, 唔想再咁慘慘要去美容店美容, 做媽媽既我, 決定辛苦 d, 平時慳洗d, 花了七千蚊, 去學下幫狗狗沖涼美容, 咁以後可以在家幫佢沖涼剪毛 (不過原來都幾辛苦的 )

依個課程共有 13堂, 尋日上完第一堂, 幫左導師的貴婦狗狗MOCHA沖涼. 總共用左5個鐘呀, 真係企到我腰骨都痛埋. 其實 MOCHA 平時都KEEP 住有美容開, 所以疏毛, 清潔方面都算OK, 唯獨係剪腳底毛都剪腳甲我仲未掌握到. 因為一提起佢隻腳, 佢就成日郁來郁去, 我根本剪唔到, 另外我不嬲都好驚剪腳甲, 唔係好敢剪得太深, 好驚剪到流血. 我都未試過幫三水仔剪的. 希望下次我可以刻服到啦

MODEL: MOCHA
全程目光都望唔開佢媽媽, 媽媽行開左佢就嗯嗯叫, 最好笑係佢會成日做"請請"動作, 好似想請求媽媽唔好留低佢一個, 真係好好笑.