My Baby Tree

My Baby Tree

你要快高長大呀

 

102 之苦

好耐冇 update 個 blog 了, 點解?? 一個字..."懶" 囉 ....哈哈

近排洗左好多錢呀, 因我同肥 b 買左一樣好貴既野....就係.....樓...喇!!

真係冇諗過咁快買左, 仲要係冇諗過會買"唐樓"的----冇 lift 的唐樓啊!!

初時都唔覺有問題, 5 樓o者, 濕濕碎啦, 問題應該不大.... 點知, 試過方知咩係"苦", 我數過了, 5 層共有 102 級樓級呀, 究竟算唔算係多呢?? 對於我依 d 平日都冇咩運動既懶人黎講, 原來係"非常多" 架, 冇拎咩野上去都好 d , 多數行到 4 樓先要停一停, 抖一抖, 但有時拎 d 重野上去, 真係行到 2-3 樓就唔掂了 第一日我來回走了差不多有 6-7 轉,  初時都只係有 d 累, 點知, 當晚訓訓下就黎料, 我對大脾痛到呢, 訓都訓唔到, 要起身搽"冬青油" , 點知平時好 work 既冬青油, o個一刻都幫我唔到, 結果我等到第二朝食粒止痛藥先勉強頂到下咋....真係從未試過呢

我真係好佩服肥 b, 佢一個人可以搬 d tv 呀, 枱+椅, 超重的木條 + 好多好多雜物上去, 仲要一日走好多轉, 佢都未叫辛苦, 我又點好意思講依個字呢?!!

放心啦, 其他輕鯨野, 等我黎啦